Etxegabetzeak % 13 jaitsi dira 2013ko lehen bederatzi hilabeteetan

Estatuko epaitegietan etxegabetzeak egiteko prozesuak % 12,9 jaitsi dira urteko lehen bederatzi hilabeteetan, iazko datuekin alderatuz. Guztira, 58.604 prozesu ireki dira urtarriletik irailera, gaur Botere Judizialaren Batzar Nagusiak jakitera eman duenez.

Uztaila eta iraila bitartean 17.009 etxegabetze egin dira, iazko hiruhileko berean baino % 16,3 gutxiago.

Estatuko erkidego gehienetan jaitsierak izan dira, bereziki Valentzian (% 35,8), Nafarroa (% 29,9) eta Balearrak (% 25,8). Asturias, Galizia eta Gaztela Leonen, berriz, etxegabetzeak egiteko prozesuak igo egin dira.