Gizartea -
Gertakaria
Legutioko banketxe batean lapurreta egin dute
Pistola bat zeramatzan lapurrak BBVAko banketxeko langileak eskuak lotuta utzi ditu.
Erredakzioa
Antza denez, lapurra pistola batekin sartu da arratsaldeko lehen orduan, Legutioko (Araba) banketxe batean. Lapurreta egin eta atzemaniko diruarekin ihes egitea lortu du egileak. Gainera, banketxeko langileak eskuak lotuta utzi ditu.
Lapurreta BBVAko banketxean jazo da 14:40 aldera.
Segurtasun Sailak emandako aurreneko datuen arabera, lapurra pistola batekin sartu da bulegoan eta langileak eskuak lotuta utzi ostean, dirua hartu eta ihes egin du.
Gutxi geroago, langileek askatzea lortu dute eta Ertzaintzari abisua eman diote.
Hau zure interesekoa bada, baliteke beste gai hauek ere izatea