Sutea izan da Legazpiko Cie Automotive lantegian

Gipuzkoako suhiltzaileek Legazpiko Cie Automotive lantegian sortu den sutea itzali dute arratsaldean. Segurtasun Sailak eta suhiltzaileek adierazi dutenez, sutea makina batean sortu da eta ez da zauriturik izan.

Arratsaldeko sei eta erdietan izan da gertaera, eta ordu erdi beranduago sua itzalita zegoen. Hala ere, suhiltzaile talde lantegian geratu da.

Sutea lantegiaren barruko aldean dagoen prentsa batean sortu da. Suhiltzaileak bertara heldu direnean langile guztiak kanpoan zeuden.