Gizartea -
Emakumeen aurkako indarkeria
Emakume bat larri zauritu da bikotekideak tiro eginda, Lugon
Biktimak bi tiro jaso ditu, zerbitzari moduan lan egiten zuen taberna batean. Dirudienez, erasotzailea emakumearen bikotekidea da. Gizonezkoa atxilotu egin dute.
Erredakzioa
Emakume bat (32 urte ditu) oso larri dago bi tiro jaso ostean, astearte honetan, 22:00etan, Lugoko Chantada udalerriko taberna batean, herriko jaietako azken egunean. Festak ofizialki bertan behera geratu dira, gertaera honen ondorioz.
Chantadako alkateak, Manuel Lorenzo Valarela independenteak, esan duenez, biktimak “ustez” bi tiro jaso ditu buruan, Piscis tabernaren barruan. Bertan zerbitzari moduan lan egiten zuen, eta erasotzailea da jabea, dirudienez, emakumearen bikotekidea. Gizonezkoa atxilotu egin dute.
Tabernako jabea Udaltzaingoko bi agentek murriztu zuten, taberna barruan. Geroago, Guardia Zibilaren kuartelera eraman zuten.
Biktima Lemos de Monforteko Ospitalera bidali dute, Chantatik gertu dagoen herrira, eta, geroago, zentro horretatik Lucus Augusti Ospitalera eraman dute. Uneotan bertan da, oso larri.
