Gizartea -
Erasoa
Bikotekide ohiari eraso egiteagatik atxilotu dute Barakaldon
Ertzaintzak jakitera eman duenez, emakumeak hainbat kolpe zituen eta erietxean artatu behar izan zuten.
Erredakzioa
Ertzaintzak 42 urteko gizonezko bat atxilotu zuen ostiralean Barakaldon bikote ohiari eraso egiteagatik. Ertzaintzak jakitera eman duenez, emakumea erietxera eraman behar izan zuten.
Gertaera arratsaldeko bostak aldera izan zen. Gizonezkoak, antza, eraso egin zion bikotekide ohiari haren etxean.
Ertzaintza bertaratu zenean, emakumeak hainbat lesio zituela ikusi zuen. Emakumeak adierazi zienez, gizonezkoa etxean agertu zen eta eztabaidatu ondoren, kolpatu egin zuen eta lurrera bota zuen. Mehatxu egin ziola ere salatu zuen emakumeak.
Gizonezkoa ez zegoen une horretan etxean, eta Ertzaintzak, ordu batzuk beranduago atxilotu zuen Barakaldon. Gaur eraman dute epailearen aurrera.