Frankismoan bideak egitera behartu zituzten presoak omenduko dituzte

Gipuzkoako Foru Aldundiak omenaldia egingo die, Frankismo garaian, Gipuzkoako errepideetan lan behartuak egin zituzten pertsona guztiei.

Ohar bidez adierazi duenez, Mugikortasun eta Bide Azpiegitura Sailak gai horri buruzko ikerketa bat bultzatzea erabaki zuen duela hilabete batzuk eta Euskal Memoria Fundazioak gauzatu du.

Foru Diputazioak omenaldia egingo die datorren asteazkenean Donostiako Foru Jauregian egingo den ekitaldian. Gainera, aitortzarekin bat egiten duten guztiei omenaldira gerturatzeko deia egin die Diputazioak.

Bestalde, gaiari buruzko erakusketa bat jarriko dute Diputazioaren egoitzaren sarreran.