Gizartea -
Otsailean desagertu ziren
Mendizaleen gorpuak identifikatzeko lanak hasiko dira gaur
Nafarroako mendizaleen senideak Frantziara heldu dira gorpuak identifikatzeko. Ondoren, auzitegi-identifikazioa egingo zaie.
Erredakzioa
Armando Nieto Lacunza eta Alfonso Gonzalez Rey Nafarroako mendizaleen senidean Oloronera (Frantzia) heldu dira atzo Lescunen aurkitu zituzten gorpuak identifikatzeko.
Nafarroako Larrialdietarako Agentziak adierazi duenez, senideek ikus-identifikazioa egingo dute eta, ondoren, auzitegi-identifikazioa egingo zaie bi mendizaleen gorpuei.
Familiak adierazitakoaren arabera, printzipioz, gorpuak Oloronen erraustuko eta errautsak Iruñera eramango dituzte, bertan hiletak egiteko.
Bi mendizaleen gorpuak atzo aurkitu zituzten Lescunen, Frantziako Piriniotan. Duela hiru hilabete, eremu berdinean, bi mendizale nafar desagertu ziren.
Desagertu ostean bilaketa dispositiboa Frantziako segurtasun eta larrialdietako zerbitzuek antolatu zuten, aldian-aldian eremua arakatu zuten hainbat senide eta boluntarioen laguntzarekin.
Atzo horrelako bilaketa bat antolatu zuten eta urtzaldiari esker aurkitu dituzte gorpuak.
