Zortzi urteko kartzela, Bilbon gizonezko bat hiltzen saiatzeagatik

Zortzi urteko espetxe-zigorra ezarri dio Bizkaiko Lurralde Auzitegiak gizonezko bati, iazko urrian, Bilbon, beste gizon bat tiroz hiltzen saiatzeagatik eta armak legez kanpo edukitzeagatik.

2015eko urriaren 15ean gertatu zen tiroketa, Bizkaiko hiriburuko Santutxu auzoan. Auzipetutako gizonezkoa bertara hurbildu zen furgoneta batean eta ibilgailuaren barrutik han zegoen gizonezko baten kontra tiroka hasi zen. Antza, elkar ezagutzen zuten eta aurreko egunetan liskarra izan zuten. Tiroek ez zuten inor harrapatu eta ez zen inor zauritu.

Erasotzailea atxilotu egin zuen Ertzaintzak eta espetxeratu egin zuten.

Epaiaren aurka, bost eguneko epean, kasazio helegitea jartzeko aukera du zigortutako gizonezkoak.