Gizartea -
Bilbo
Emakume bati eraso zion zinegotzia genero-indarkeriako abokatua da
Mario Rosado Bilbon atxilotu zuten, kalez jantzita zeuden hiru polizia-agentek emakume bati kolpea ematen ikusi ostean.
Agentziak | Erredakzioa
Jerezen Ciudadanoseko zinegotzia den Mario Rosado (Bilbon atxilotu dute, bikotekideari erasotzea egotzita) Zuzenbidean lizentziaduna da, bai eta genero-indarkeriako letratua ere, Jerezko epaitegietan.
Ciudadanoseko bigarrena da Jerezen Rosado, eta 2015eko hauteskundeen ostean hasi zen zinegotzi. Astearte goizaldean atxilotu zuten Bilbon, jai-gunetik gertu, emakume bati erasotzeagatik.
Ciudadanosek erasoa ezeztatu badu ere, polizia-argiketak aseguratzen du kalez jantzitako hiru agentek ikusi zutela gizonak bikotekideari kolpea eman ziola Aste Nagusian.
Zuzenbidean lizentziaduna bera, Ciudadanoseko zinegotziak Verdugo-Rosado y Asociados bulegoan lan egiten du, eta genero-indarkeriako abokatua da.
"Errugabetasun-presuntzioa"
EFEri egindako adierazpenetan, Juan Verdugok, abokatu-langelako beste bazkide eta Rosadoren abokatuak, esan du zinegotziak lapurreta bat jasan zuela kalean, hotelera zihoazela, eta, hortaz, salaketa jarriko dutela ustezko erasotzaileen aurka.
Nicolas de Miguel Ciudadanos Euskadiko bozeramaileak errugabetasun-presuntzioa eskatu du zinegotziarentzat; esan ere esan du Ciudadanosek "egin behar dena" egingo duela, baldin eta erasoa baieztatzen bada.
----------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
