Frankismo garaian Sakanan fusilatutakoak gogoratu dituzte Urbasan

Sakanako bederatzi udalek hitzarmena sinatu dute gorpuak lurpetik ateratzen jarraitzeko.

Frankismo garaian Otsoportilloko amildegian fusilatutakoak omendu dituzte gaur Urbasan. EiTB — Otsoportilloko amildegian fusilatutakoak gogoratu dituzte Urbasan

ETB

publikatuta: 2018/05/22 12:22 (UTC+2)

azken eguneratzea: 2021/09/10 10:24 (UTC+2)

Frankismo garaian Sakanan fusilatutako ehunka nafar gogoratu dituzte gaur Otsoportilloko lezean, Urbasan, haien omenez egindako ekitaldian.

Espainiako Gerra Zibila hasi eta 80 urtera, Sakana eskualdeko bederatzi udalek hitzarmen bat sinatu dute gorpuak lurpetik ateratzen jarraitzeko eta memoria bizirik izateko.

Omenaldia ere Irunen

Bestalde, Frankismoak eta Gerra Zibilak behartuta, euren etxea utzi eta muga zeharkatu behar izan zuten ehunka irundar omendu dituzte igandean Irunen. Askok Irungo Santiago zubitik egin zuten ihes. Leku horretan bertan gogoratu dituzte atzerrira joan behar izan zutenak.

80 urte pasatu dira, baina bere herritik ihes egin behar duen jendea gaur egun guri ate-joka dagoela aldarrikatu nahi izan dute, errefuxiatuak gogoan hartuta, hain zuzen ere.

Hau zure interesekoa bada, baliteke beste gai hauek ere izatea

Nafarroa gaur Gizartea Albisteak Gaur Gaurko azken ordukoa Nafarroako Gobernua berriak Frankismoari buruzko albisteak Gerra Zibileko biktimak

Frankismo garaian Sakanan fusilatutakoak gogoratu dituzte Urbasan

Esteka kopiatuta