Gizartea -
Asteartean galdu zen
Lagranen desagertutako gizonaren gorpua aurkitu dute
Perretxiko bila joan zen, "oso ondo" ezagutzen zuen inguru batera, hildakoaren seme baten hitzetan.
Erredakzioa
Ertzaintzak Ernesto Martinez Sagarzazuren gorpua aurkitu du Kantabriako mendi batean, Arabako eta Errioxako muga artean. Atzotik ari ziren San Vicente de la Sonsierrako (Errioxa) 63 urteko katedradunaren bila.
Helikoptero batek ikusi du gizonaren gorpua Palomareseko mendi batetik gertu; Ertzaintzako mendi taldeak Lagranera (Araba) eraman du gorpua helikopteroaren laguntzarekin.
Aurkitutako gorpua atzo desagertutakoaren gizonarena dela baieztatu du DYAk.
Perretxikoen bila joan zela adierazi du hildakoaren seme batek.
San Vicente de la Sonsierran duten etxera bueltatzen ez zela ikustean, Ernesto Martinezen senideek poliziarengana jo zuten.
Atzo bilaketa lanak hasi ziren, eta gaur goizean ekin diote berriro bilaketari.
Goizeko bederatziak aldera, bere ibilgailua topatu dute Lagraneko baso-pista batean, eta beranduago bere bastoia aurkitu dute hortik hurbil.
Hildakoa Matematikako katedradun erretiratu bat da; Bilboko Euskal Herriko Unibertsitatean klaseak ematen zituen, Bilbon bizi zen baina erretiroa hartu zuenetik denboraldi luzeak ematen zituen jaiotako tokian.
Aipatzeko da atzo hilik aurkitu zutela Jose Felix Chascoertzaina. Joan den abuztuaren 11an istripua izan zuen lur-orotakoibilgailu batekin mendian zebilela eta orduz geroztik desagertuta egonda, Gaubean.
