Gizartea -
Elkarretaratzea
300 bat lagun bildu dira Bartzelonan kooperanteei ongi etorria emateko
Roque Pascual eta Albert Vilalta kooperanteak ez dira elkarretaratzean izan; zeren, askapenaren ostean, atsedena behar baitzuten.
Erredakzioa
300 bat lagunek elkarretaratzea egin dute Bartzelonako Errege plazan Roque Pascual eta Albert Vilalta kooperanteei ongi etorria emateko; aurreko bederatzi hilabeteetan egindako ohiko isilunearen ordez bost minutuko txaloaldia izan da.
Dena den, kooperante biak ez dira elkarretaratzean izan, askapenaren ostean, atsedena behar baitzuten, Barcelona Accio Solidariako bozeramaileak Eferi jakinarazi dionez; hala ere, kooperanteen hainbat senide izan dira. Era berean, Alicia Gamezen senideak izan dira.
Kooperanteen askapena eskatzeko bederatzi hilabetez asteazkenero plaza berdinean isilean bildu ostean, gaur GKEko kideak, administrazioko ordezkariak, senideak eta hiritarrak berriro bildu dira, baina oraingoan "Askatasuna. Alberto eta Roque" pankarta "Eskerrik asko zuen laguntzagatik" leloagatik aldatu dute.
