Gizartea -
Emakumeen kontrako indarkeria
Hildako hamar emakumetik zortzik ez zituen tratu txarrak salatu
Aurten hildako 55 emakumeetatik 42 segurtasun arduradunek tratu txarrak pairatzen ari zirela jakin gabe hil dira. % 50, gainera, ez zuen 40 urtetik beherakoak ziren.
Erredakzioa
Berdintasun Ministerioaren datuen arabera, aurten bikotekideek edo bikotekide izandakoek hildako 55 emakumeen % 77,4k ez du inoiz salaketarik aurkeztu.
Hildako 55 horietako 42, beraz, emakumeen kontrako indarkeriaren ondorioz hil dira, baina segurtasun indarrek tratu txarrak pairatzen ari zirela jakin gabe.
Datu ofizialen arabera, hildako emakumeetatik 13k aurretik salaketa aurkeztu zuten, nahiz eta batek prozesuarekin aurrera egiteari uko egin. Salaketa jarri zutenen artean, 11 babesteko agindua eskatu zuten, horietako biri agindua ukatu egin zieten. Beraz, hil egin zituztenean bederatzik babesteko agindua indarrean zeukaten; batek bikotekideak erabaki hori haustea onartu zuen.
Biktimaren profilari dagokionez, hamarretik sei espainiarrak ziren; erdiak 40 urte beherakoak; 24, 41 eta 64 urte artekoak eta hiru, 65 urtetik gorakoak.
