Gizartea -

Elur denboralea

Elurrak eta txingorrak arazoak eragin dituzte errepideetan

Arazo larrienak Usurbilen, Lezon eta Orion izan dira. Nafarroan ere zenbait istripu gertatu dira.

Txingorra bota du AP-8 autobidean, Orion. Argazkia: Iñaki Narbarte
Txingorra bota du AP-8 autobidean, Orion. Argazkia: Iñaki Narbarte
Kazkabarrak eta hiru istrupuk A8 autobidea kolapsatu dute

eitb.eus

Whatsapp Facebook Twitter Telegram Email

Elurrak eta kazkabarrak arazo ugari eragin dituzte Euskal Herriko errepideetan ostiral honetan.

Arazo larrienak Usurbilen, Lezon eta Orion izan dira. Nafarroan ere zenbait istripu gertatu dira.

Usurbilen, AP-8 autobidean, lau autok elkar jo dute eta ilarak sortu dira Bilboko noranzkoan. Ezbeharra 18:20 inguruan jazo da.

Hasiera batean errepidea erabat itxita egonda. Orain (20:40) errei bat irekita dago.

Lezon, GI-3440 errepidean, harkaitz handi bat erori da eta bidea itxita dago. Gertakaria 07:30 aldera jazo da, Jaizkibeleko igoeran, Lezo eta Hondarribia artean.

Makina hondeatzaile bat  eraman dute, harkaitza apurtu eta errepidea garbitzeko asmoz.

Goizean Orion ere izan dira arazoak. Ordubetean hiru istripu izan dira AP-8 autobidean eta auto-ilara luzeak sortu dira: 13 kilometrokoak Bilboko noranzkoan eta 8 kilometrokoak Irungo noranzkoan.

Gainera, Zarautz erdigunea kolapsatuta geratu da eta, ondorioz, tarte batean ibilgailuek ezin izan dute ordainlekutik atera.

INAKI NARBARTE ORIO TXINGORRA ERREPIDEA

(AP-8 autobidea, Orio parean. Argazkia: Iñaki Narbarte)

Nafarroan, hiru istripu izan dira zortzi minutuko tartean, herri ezberdinetan. Ez da zauriturik izan.

Lehendabiziko ezbeharra Caparroson gertatu da, 08:37ean. Kamoi bat errepidetik atera da.

Bigarrena Latasan izan da, 08:44ean. Kamioi bat errepidetik atera eta irauli egin da.

Hirugarrena Ezkirotzen jazo da, 08:45ean. Kamoi batek atoia galdu du eta honek kalteak eragin ditu errepidean.

Bestalde, Bilbo eta Miranda de Ebro (Burgos) arteko tren-zerbitzua hamar orduz egon da etenda, Urkabustaizen (Araba). Elurra dela eta, zuhaitz bat erori da katenariara eta matxura eragin du.

50 bat bidari lau orduz egon dira bertan harrapatuta. Lur orotako ibilgailuetan atera dituzte gero.

 

Bilbotik Miranda Ebrora trenez zihoazen 51 bidaiari erreskatatu dituzte
Bilbotik Miranda Ebrora trenez zihoazen 51 bidaiari erreskatatu dituzte
Bilbotik Miranda Ebrora trenez zihoazen 51 bidaiari erreskatatu dituzte

1:29

 

Euskal Herriko errepide sare nagusia irekita dago, baina bigarren mailaka hainbat errepide itxita daude eta kateak beharrezkoak dira handik zirkulatzeko.

Elur denboraleak asteburuan ere jarraituko du eta okerrena astelehenean etorriko dela dio aurreikuspenak.

Agintariek arreta handiz gidatzeko gomendioa egin eta Ertzaintzaren eta Foruzaingoaren jarraibideak betetzeko eskatu dute.

Hau zure interesekoa bada, baliteke beste gai hauek ere izatea
Trafikoa Albisteak Gipuzkoa Nafarroako albisteak Denboraleak argazkiak Eguraldia argazkiak Gizartea bideoak Elurra bideoak Orio Usurbil albisteak Albisteak Lezo azken ordukoa Txingorra gaur A-8 autobideko istripuak gaur AP-68 autobideko istripuak gaur Ekaitzak albisteak