Gizartea -
Indarkeria matxista
Emakume bati eta haren alaba nerabeari eraso egin diote Gasteizen
Erasoa larunbat goizaldean gertatu zen. Udaltzaingoak Portal de Betoño kalera joateko abisua jaso zuen.
Agentziak | Erredakzioa
59 urteko gizon bat atxilotu dute Gasteizen, emakume bati eta haren alaba nerabeari eraso egiteagatik, Arabako hiriburuko Udalak jakinarazi duenez.
Erasoa larunbat goizaldean gertatu zen. Udaltzaingoak Portal de Betoño kalera joateko abisua jaso zuen. Antza denez, gizon bat bi emakumeri eraso egiten ari zitzaien.
Agenteak hara iritsi zirenean, mozkortuta zegoen gizon bat ikusi zuten, hainbat gazterekin. Haiek esan zieten erasoa jasan zuten emakumeek noruntz egin zuten ihes.
Biktimak lokalizatu eta haiekin hitz egin ostean, udaltzainek erasotzailea atxilotu eta emakumeak ospitalera eraman zituzten.
----
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
