Getxoko bi hondartzak eta Uribarri Ganboako beste hiruk bandera urdina lortu dute

Getxoko Ereaga eta Arrigunaga hondartzek eta Uribarri Ganboa urtegiko beste hiruk bandera urdinak izango dituzte aurten, gaur Ingurumen Hezkuntza eta Kontsumitzaileen Elkarteak (ADEAC) zabaldutako informazioaren arabera.

Kalitate ziurtagiri horrek inguruaren garbitasuna eta zerbitzuen kalitatea hartzen ditu kontuan.

Euskal Autonomia Erkidegoko (EAE) udal gehienek ez dute 2007az geroztik ikur hori lortzeko eskaerarik egiten, bestelako ingurumen-ziurtagiriak lortzeko asmoa baitute. Zehazki, ISO 9001, ISO 14001 eta EMAS Europako ziurtagiriak dira Udalek lortu nahi dituzten ziurtagiriak.

Hirugarren urtez jarraian, Araba bandera urdinen zerrendan agertzen da. Uribarri Ganboa urtegiko hiru zonalde hauek lortu dute ikur urdina: Garaio hegoaldeak (Barrundia), Garaio iparraldeak (Burgu) eta Landa (Arrazua-Barrundia).