Prostituitzera behartu zuten neska Madrilgo Erkidegoaren menpe dago

Madrilgo Erkidegoak bere gain hartu du jada Arroyo de San Servan (Badajoz) herrian prostituzioan aritzera behartu zuten neska, eta osasun eta gizarte laguntza eskaintzen ari dio ospitale publiko batean, Familia eta Gizarte Gaietarako Kontseilaritzako bozeramaile batek Efe albiste agentziari jakinarazi dionez.

Neskaren aitak ez zuen tutoretzaren erabaki hori onartzen, baina "elkarlanean" ari da azkenean Erkidegoko ordezkariekin; izan ere, "eskaintzen ari diotena neskarentzat ona dela ikusten ari da", iturri berdinen arabera.

Umea aurkitu ostean, Madrilgo Erkidegoak "tutoretza eragingarria" hartu bere gain, eta osasun eta gizarte zerbitzuen arreta jasotzen ari da neska.

Hiru hilabetez Badajozen prostituzioan aritzera behartu zuten neska bere gurasoekin dago, gaur Madrilgo Erkidegoak jakinarazi duenez. Antza, Erkidegoko ordezkaritzara jo zuen aitak atzo, neskatoa berarekin, amarekin eta arreba batekin zegoela esateko.

Orain arte, Guardia Zibilak 12 pertsona atxilotu ditu, neskaren bahiketarekin lotuta, eta beste zazpi harekin sexu-harreman ordainduak izateagatik.