Zezenketen aurkakoek 'tratu txarrak' 'dibertsioagatik' ematea salatu dute Donostian

Donostia Antitaurina Orain, Eguzki eta Askekintza kolektiboek zezenketen aurkako manifestazioa egin dute gaur arratsaldean Donostian, Aste Nagusiaren lehen egunarekin bat eginez.

Ehunka lagunek hartu dute parte 18:00etan Boulevardetik abiatu den manifestazioan, jai hauetan Ilunbeko zezen-plazako feria izango dela salatzeko eta "zezenketarik ez, ez hemen, ez inon" aldarrikatzeko.

Manifestazioaren amaieran, Aitor Marin bozeramaileak esan du "tamalgarria" dela Donostiako Aste Nagusian zezenketak egotea "iaz Udalak berak egindako inkesta batek argi utzi zuenean donostiarren %18 soilik daudela zezenketen alde". Horregatilk, Udalak ez duela herritarren iritzia errespetatzen salatu du.

Era berean, animaliei 'tratu txarrak' d'ibertsio hutsagatik' ematea ere kritikatu du: "Egun hauetan, 30 zezen hilko dituzte modu ankerrean, torturatuz" salatu du.

Manifestazioan izan dira Udaleko EH Bilduko zinegotziak eta Reyes Carrere 2019ko udal hauteskundeetarako alkategai abertzalea.