Gizartea -
IPARRALDEA
Gizon batek ustez 6 urteko iloba bortxatu du Donibane Lohizunen
Poliziak 70 urteko gizona atxilotu zuen ostegunean, eta epaileak espetxera bidali du. Baionako Fiskaltzak ikerketa abiatu du gertaturikoa argitzeko. Ustezko erasotzaileak ukatu egin du bortxaketa.
EITB.EUS
70 urteko gizon batek, ustez, 6 urteko iloba bortxatu zuen abuztuaren 27an Donibane Lohizunen. Mediabask agerkari digitalak zabaldutako informazioaren arabera, erasoa familiaren bilkura batean gertatu zen.
Ustezko erasotzailea Aude departamendukoa da izatez, eta Poliziak Limouxen (Okzitania) atxilotu zuen, abuztuaren 30ean.
Baionako Fiskaltzak ikerketa abiatu du gertaturikoa argitzeko.
Kasua daraman epaileak espetxera bidali du gizona, behin-behinean eta ikerketak gertatutakoa argitu arte, adin txikiko bat sexu-harremanak izatera behartzea egotzita. Gizonak ukatu egin du erasoa, eta ukituak egin izana onartu du.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
