Gizartea -
Indarkeria matxista
Gizon batek ustez emakume bat hil du Zaragozan
Emakumea ustez haren bikotekideak hil du. Geroago, gizonak bere buruaz beste egin du.
Agentzia | Erredakzioa
Gizon batek ustez haren bikotekidea hil du ostegun honetan, Zaragozan, Casablanca auzoan, biak bizi ziren etxebizitzan. Geroago, gizonak bere buruaz beste egin du.
Aragoiko Polizia Buruzagitza Nagusiak jakitera eman duenez, gertaera ostegun honetako lehen orduan, 08:00etan, izan da.
Emakumea ustez haren bikotekideak hil du. Geroago, gizonak bere buruaz beste egin du. Biak 60 urte inguru zituzten.
Carmen Sanchez Aragoiko Gobernuko ordezkariak agerraldi publikoa deitu du, hilketaren berri emateko. Udaren ostean, lehenengo osoko bilkura izango dute Aragoiko Gorteek, eta minutu bateko isilunea egingo dute biktimaren omenez.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
