Gizartea -
indarkeria matxista
Gizon batek sexu-erasoa egin dio emakume bati Gasteizen
46 urteko gizona larunbatean hartu zuten atxilo Bakea kalean, emakume bati hotel-apartamentu batean ukituak egitea egotzita.
Agentzia | Erredakzioa
Gasteizko Udaltzaingoak 46 urteko gizon bat atxilotu zuen larunbatean, emakume bati hotel-apartamentu batean sexu-erasoa egitea egotzita.
Poliziak ohar baten bidez gaur zehaztu duenez, atxiloketa Bake kalean egin zuten, 10:00etan.
Aurrez, hotel-apartamentu bateko logela batetik oihuak entzuten zirela jakinarazi zioten Udaltzaingoari. Bertaratu zen patruilak logelan zeuden gizona eta emakumea galdekatu zituen, eta gizona atxilotu zuen, emakumeari ukituak egin izana egotzita.
Udaltzaingoak gaur jakinarazi duenez, gizona aske utzi dute, epailearen aurretik igaro ostean.
___________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
