Gizartea -
Indarkeria matxista
Gizon bat atxilotu dute Bilbon bikotekide haurdunari eraso egiteagatik
Erasoa igandean gertatu zen Zorrotzako etxebizitza batean. Bikotekideak heldu, logelako ohearen aurka jo eta ondoren lurrera bota zuela azaldu zien emakumeak ertzainei.
Agentziak | Erredakzioa
29 urteko gizon bat atxilotu zuen Ertzaintzak Bilbon, igandean, bikotekide haurdunari eraso egitea egotzita, Eusko Jaurlaritzako Segurtasun Sailak jakitera eman duenez.
Erasoa, igandean, arratsaldeko lehen orduan gertatu zen, Zorrotzako etxebizitza batean. Bikotekideak heldu, logelako ohearen aurka jo eta ondoren lurrera bota zuela azaldu zien emakumeak ertzainei.
Gizona epailearen esku jarri dute gaur. Genero indarkeria delitu bat leporatu zioten, eta atxilotu zuten. Bitartean, emakumea ospitalera eraman zuten, bertan osasun-azterketa egiteko.
______________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
