Gizartea -
1.895 lanpostu, guztira
70 lanpostu gehiago iragarri ditu Hezkuntza Sailak 2019ko lan eskaintza publikorako
32 plaza kontserbatorioetako irakasleentzat izango dira; beste 10, hizkuntza eskola ofizialetan lan egiten dutenentzat, eta gainerako 28 lanpostuak, ikuskatzaileentzat.
AGENTZIAK | ERREDAKZIOA
Hezkuntza Sailak iragarri du 70 lanpostu gehiago izango dituela 2019rako deitutako lan eskaintza publikoak; guztira, 1.895 plaza.
Azaroaren 26an jakinarazi zuten datorren urtean egingo duten lan eskaintza publikoak 1.825 lanpostu eskainiko dituela, eta astebete geroago zehaztu dute plaza kopurua are handiagoa izango dela, hots, 70 lanpostu gehituko dituztela.
Hezkuntza Saileko arduradunek biera izan dute asteazken honetan irakasleak ordezkatzen dituzten sindikatuekin, eta hitzordua bukatutakoan heldu da albistea.
Orduan argitu dute, halaber, 70 lanpostu horiek nola banatuko dituzten: 32 plaza kontserbatorioetako irakasleentzat izango dira; beste 10, hizkuntza eskola ofizialetan lan egiten dutenentzat, eta gainerako 28 lanpostuak, ikuskatzaileentzat.
Aurretik iragarritako lanpostuak modu honetan banatuko dituzte:
Lehen Hezkuntzarako, 795 lanpostu
Pedagogia terapeutikoan espezializatutako irakasleentzat, 270 lanpostu
Ingeleseko irakasleentzat, 120 lanpostu
Heziketa fisikokorako, 66 lanpostu
Musikako irakasleentzat, 66 lanpostu
Entzumenean eta mintzairan espezializatutako irakasleentzat, 55 lanpostu
