Gizartea -
Genero indakeria
Emakume batek salatu du bost gizonek sexu-erasoa egin ziotela Barañainen
Salatzaileak Guardia Zibilari jakinarazi dionez, ukituak egiteaz gainera, arma zuri batekin mehatxuak egin zizkioten bost erasotzaileek.
AGENTZIAK | ERREDAKZIOA
Emakume gazte batek Barañainen jasandako sexu-erasoa salatu du. Salaketaren arabera, arma zuri batekin mehatxu egiteaz gain, ukituak egin zizkion bost gizon gaztek osatutako talde batek.
Horregatik, Nafarroako Guardia Zibilak ikerketa abiatu du, jazotakoa argitze aldera, ustez askatasunaren eta sexu intimitatearen aurkako delituak egon zirelako.
Biktimak salatutakoaren arabera, bost gizon gaztek parte hartu zuten erasoan, eta ukituak ez ezik, mehatxuak ere egin zizkioten, horietako batek arma zuri bat eskuan zuela, noticiasdenavarra.com webgunean zabaldu dutenez.
____________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
