Gizartea -

'otso odoleko superilargia'

Hodeiek ez dute ilargi eklipse osoa ikusten utzi Euskal Herrian

Asia mendebaldean, Amerikan, Afrikan eta Europan izan da ikusgai ilargi eklipse osoa, zerua oskarbi egon den lekuetan betiere.

Horrela ikusi da superilargia Belgikan. Argazkia: EFE
2019ko urtarrilaren 21eko superilargia Belgikan.
Horrela ikusi da superilargia Belgikan. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

2019ko bigarren eklipsea, 'otso odoleko superilargia', gaur goizaldean izan da ikusgai, 03:35etik hasita(02:35, UTC), eta Asia mendebaldean, Amerikan, Afrikan eta Europan ikusi ahal izan da. Euskal Herrian hodeiak izan ditugu nagusi zeruan, eta horrek "hondatu" du espektakulua.

Eklipsearen fase guztiak Europa mendebaldean, Amerikan eta Ozeano Barean bakarrik egon dira ikusgai; hortaz, Penintsularen ekialdean eta Balearretan ezin izan dute ikusi ilargi eklipsea osotasunean, fenomenoa amaitu baino lehen ezkutatu baita ilargia.

NASA EKLIPSE ECLIPSE 2019

2019ko urtarrileko ilargi eklipse osoaren mapa. Argazkia: NASA

Ordutegia

Eklipse partziala —ilargiaren parte bat ilunpean sartzean sortzen dena— 04:32 aldera ikusi ahal izan da; eklipse osoa, aldiz, 05:39an hasi da eta ordubete eta minutu bat iraun du. Azken eklipse hori Afrika mendebaldean, Europan eta Amerikan ikusi ahal izan da.

Bestetik, ilunpeko eklipsea 07:47an bukatu da, eta ilunantzeko eklipsea 08:44an. Lehenengoak hiru ordu eta 16 segundo iraun du; bigarrenak, berriz, bost ordu eta 11 segundo.

Hau zure interesekoa bada, baliteke beste gai hauek ere izatea
Gizartea Eguneko albisteak Eguneko albisteak Zientzia Superilargiak Ilargi eklipseak gaur Kosmosa Gertaera astronomikoak gaur