24 urteko mutil bat atxilotu dute Bilbon, kale erdian bikotekideari erasotzeagatik

24 urteko mutil bat atxilotu zuten atzo Bilbon, emakumeen kontrako indarkeria egotzita.

Udalak jakitera eman duenez, Uribitarte kalean izan zen erasoa, atzo goizaldeko 06:00ak inguruan. Patruilatzen ari ziren hainbat udaltzainek bertatik bertara ikusi zuten erasoa, eta tokian bertan artatu zuten biktima. Erasotzailea, berriz, atxilotuta eraman zuten polizia-etxera.

Bilboko Udaleko talde politiko guztiek eraso honen aurkako gaitzespen agiria onartu dute gaur goizean. Genero indarkeriaren aurrean "tolerantzia zero" izateko deia egin diete herritarrei.

______________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.