Gizartea -
Genero indakeria
Gizon bat atxilotu dute Gasteizen bikotekide ohia babesteko agindua hausteagatik
Bikotekide ohia babeste aldera ezarritako babes-agindua haustea egotzi diote 26 urteko gazteari, etxera bidean emakumearen atzetik joan omen zelako eta hainbat dei egin zizkiolako.
EiTB.EUS
Gasteizko Udaltzaingoak 26 urteko gizon bat atxilotu du ustez bikotekide ohia babesteko agindua hausteagatik.
Emakumeak El Pilar auzora bertaratzeko eskatu zien agenteei. Dirudienez, etxera bidean zihoala atzetik izan zuen gizona.
Jazarpena gertatu zen lekura hurbildu zirenean, babes-agindua indarrean zegoela ikusi zuten udaltzainek. Gainera, bikotekide ohiari, sarritan, telefonoz deitzen ziola jakin zuten orduan. Hori dela eta, gizona atxilotu eta epailearen aurrera eraman zuten.
________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak, edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
