Gizartea -
Emakumeen aurkako indarkeria
24 urteko gizon bat atxilotu dute Gasteizen bikotekideari eraso egitea egotzita
Gizonak jipoitu omen du bikotekidea, Pilarreko auzoan, bikoteak duen familia-etxean.
agentziak | Erredakzioa
Gasteizko Udaltzaingoak 24 urteko gizon bat atxilotu du emakumeen aurkako indarkeria egotzita; antza, bikotekideari eraso egin dio.
Gasteizko Udalak agiri batean jakitera eman duenez, ustezko erasoa igande gauean gertatu zen eztabaida baten harira. Gizonak jipoitu omen du bikotekidea, Pilarreko auzoan, bikoteak duen familia-etxean.
Biktimaren azalpenak entzun eta jasotako kolpeak ikusita, gizona atxilotu dute eta epailearen aurrera eraman dute gaur (astelehena).
Emakumea ospitalera eraman zuten zauriak sendatzera.
______________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
