Orduko 100 kilometroko haize ufadak espero dira gaur gauerako

Eusko Jaurlaritzako Larrialdietarako Zuzendaritzak abisu horia ezarri du haizeagatik gaur gauerako. Batez ere, Gipuzkoan eta Araban espero dira haize ufada bortitzak, orduko 100 kilometrokoak. Gaur, iluntzeko 21:00etatik bihar goizeko 06:00ak arte egongo da ezarrita abisua.

Biharko, egun eguzkitsua iragarri du Euskalmetek. Zeru urdina nagusituko den arren, tarteka, goi-hodei zurixkak saretuta iritsiko dira, batez ere, arratsalde partean. Tenperaturari dagokionez, gorabehera handirik ez da espero. Hego haize zakarrarekin hasiko da eguna, ekialdean eta haizeguneetan; egunak aurrera egin ahala, ahulduz joango da.

Astelehenerako, berriz, itsaso zakarragatik abisu horia ezarriko dute; 3 metrorainoko olatuak daude aurreikusita.