Gizon bat atxilotu dute Gasteizen indarkeria matxista egotzita

47 urteko gizon bat atxilotu dute Gasteizen indarkeria matxita egotzita. Elkarrekin eztabaidatu ondoren, antza, gizonak bikotekide ohiari eta haren aitari eraso die Pilar auzoan.

Ustezko erasotzaileak deitu dio Udaltzaingoari 18:30 aldera, bikotekide ohiak eta haren aitak eraso diotela salatzeko. Borroka etxebizitzaren atalondoan gertatu da, gizona seme-alabak jasotzera joan ostean.

Bertaratutako agenteek ustezko biktimarekin kalean hitz egin eta zauririk ez zituela egiaztatu dute, Udaltzaingoak prentsa-oharrean jakitera eman duenez.

Bikotekidea eta haren aita inguruko anbulatorio batean aurkitu dituzte. Gizonaren zauriak ikusita, ospitalera eraman dute.

Gertatutakoa aztertu ostean, udaltzainek gizona atxilotu dute, genero-indarkeriazko delitua egotzita.

________________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.