Gizartea -
Indarkeria matxista
Gizon gazte bat atxilotu dute Bilbon bikotekideari kalean eraso egiteagatik
Eraso matxista ostiral gauean jazo zen, Boluetako autobus geltoki batean.
Agentziak | Erredakzioa
Bilboko Udaltzaingoak gizon gazte bat atxilotu zuen ostiralean bikotekidea kalean kolpatzeagatik, Udaleko iturriek gaur jakinarazi dutenez.
Eraso matxista martxoaren 22an jazo zen, 21:45 aldera, Bolueta auzoan. Bikote gazte bat autobus-geltoki batean zegoela, halako batean, gizona emakumea kolpatzen hasi zen, hainbat herritarren aurrean.
Udaltzaingoak gizona atxilotu zuen, genero indarkeriaren delitua egotzita. Agenteek autobus-geltokian zeuden herritarren laguntza izan zuten.
Biktima ez zuten erietxera eraman behar izan.
________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
