Gizartea -
Indarkeria matxista
20 urteko gizon bat atxilotu dute Donostian, bikotekide ohiari erasotzeagatik
Ustezko erasotzaileak biktima derrigortu eta kolpatu zuen Gipuzkoako hiriburuko diskoteka batean.
agentziak | erredakzioa
Ertzaintzak 20 urteko gizon bat atxilotu du Donostian, bikotekide ohiari erasotzea eragotzita. Hainbat lekukoren arabera, Gipuzkoako hiriburuko diskoteka batean eraso zion bikotekide ohiari, igandean, maiatzaren 12an.
Segurtasun Sailak jakinarazi duenez, gizonak emakumea diskotekatik irtenarazi zuen, 07:30ean, gogoz kontra.
Ertzaintzaren patruila bat lekukoen deiari erantzunez bertaratu zenerako, alde eginda zeuden biak, eta ez zituzten inguruetan ere aurkitu. Hala ere, agenteek etxean aurkitu zuten gizona, eta bertan atxilotu zuten, ustezko genero-indarkeriaren delitu bat egotzita.
Atxilotua Donostiako guardiako epaitegiko epailearen esku utzi dute jada.
_____________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.