Gizon batek emakume bat hil du Urruñan

Gizon batek emakume bat hil du Urruñan (Lapurdi), Sud'Ouest egunkariak gaur jakinarazi duenez.

Bikotearen alabak atzo topatu zituen bi gorpuak, gurasoen etxean. Ikerketaren lehen datuen arabera, 83 urteko gizonak tiroz hil du 81 urteko bikotekidea, eta, ondoren, bere buruaz beste egin du.

Hilotzak Bordeleko Auzitegi Medikuntzako Institutura eraman zituzten, eta bihar, asteazkenarekin, egingo diete autopsia.

_________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.