Gizartea -
Gasteiz
Gizon bat atxilotu dute sexu abusuak eta indarkeria erabiliz egindako lapurretagatik
28 urteko gazteak sexu ukituak egin zizkien bi emakumeri, poltsa lapurtzen saiatu ondoren, asteazken goizaldean.
Agentziak | Erredakzioa
Gizon bat atxilotu du Ertzaintzak, asteazken goizaldean Gasteizen, sexu abusuaren eta pertsonen aurkako indarkeria erabiliz egindako lapurreta leporatuta.
00:30ak inguruan, bi emakumek Ertzaintzari deitu zioten Arabako hiriburuko Molinuevo parkean lapurreta saiakera baten biktimak izan zirela salatzeko.
Agenteei esan diotenaren arabera, patinete batean zihoan gizon batek atzetik hurreratu zaie, poltsak kentzen saiatuz. Hori lortu ez zedin, borroka bat izan dute berarekin, eta ustezko lapurrak sexu motako ukitzeak egin dizkie.
Inguruan zeuden ertzainak bertaratu egin dira, eta salatzaileek emandako karakteristikak zituen gizon bat atxilotu dute. Beharrezko egiaztapenen ostean, susmagarria atxilotu dute, pertsonen aurkako indarkeria erabiliz egindako lapurretaren eta sexu abusuaren ustezko delituak egotzita. Polizia etxera eraman dute dagozkion eginbideak hasteko.
_________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
