Gizon batek emaztea hil du Bardozen, eta ondoren bere buruaz beste egin du

Gizon batek emaztea hil du, tiroz, Bardozen (Lapurdi), eta ondoren bere buruaz beste egin du, berria.eus atariak jakinarazi duenez.

Biktimak 72 urte zituen; eta erasotzaileak, 90.

Bi adinekoak artatzen zituen erizainak etxea itxita aurkitu du, eta suhiltzaileei abisua eman die, ETBk jakitera eman duenez. Suhiltzaileek bi gorpuak topatu dituzte etxe barruan.

Dirudienez, gutun bat aurkitu dute etxebizitzan. Agiriak gertatutakoa azaldu dezake.

Bi hildakoen hileta Ziburuko elizan egingo dute asteazken honetan, 10:00etan.

_______________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.