Gizartea -

Indarkeria matxista

Gizon batek bikotekidea hil du Malagan, eta ondoren bere buruaz beste egin du

Hiltzailea 67 urteko militar ohi bat da. 2003az geroztik 1.007 emakume hil dituzte Estatu espainiarrean.

Malagako Cortes de la Frontera herrian izan da hilketa matxista. Argazkia: EFE
Malagako Cortes de la Frontera herrian izan da hilketa matxista.
Malagako Cortes de la Frontera herrian izan da hilketa matxista. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Gizon batek bikotekidea hil du Malagako Cortes de la Frontera herrian, eta ondoren bere buruaz beste egin du, berri agentziek ikerketako iturriak aipatuz zabaldu dutenez.

Hiltzaileak 67 urte zituen eta militar ohia zen. Biktimak, berriz, 47 urte zituen.

Jose Damian Garcia udalerri horretako alkateak EFE agentziari azaldu dionez, gizonak eskopeta batekin tiro eginda hil du bikotekidea. Jarraian joan egin da eta biktimaren etxebizitzaren aurrean bere buruz beste egin du.

2003az geroztik –orduan hasi ziren hilketa matxistak ofizialki zenbatzen- 1.007 emakume hil dituzte Estatu espainiarrean.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista Gizartea Eguneko albisteak Albisteak Tratu txarren biktimak Matxismoa

Informazio gehiago