Gizartea -
Indarkeria matxista
Gizon bat atxilotu dute Ibarrangelun emakume bati sexu erasoa egitea egotzita
Beste sexu eraso saiakera bat ere leporatu diote. Emakume biak lotan zeuden Ibarrangeluko ostatu batean eta gizona euren oheetan sartu da.
Agentziak | Erredakzioa
25 urteko gizon bat atxilotu dute Gernikan, Ibarrangelun sexu askatasunaren aurkako bi deitu leporatuta, ustez, bi sexu eraso egin baitizkie bi emakumeri, Segurtasun Sailak jakinarazi duenez.
Erasoak Ibarrangeluko ostatu batean gertatu ziren. Ertzaintzak jasotako salaketen arabera, emakume biak lotan zeuden eguna Elantxobeko jaietan igaro ostean. Gizonak, baimenik gabe, emakumeen oheetan sartu eta bati ustez sexu erasoa egin zion eta besteari sexu erasoa egiten saiatu zen.
Biktimek eta lekukoek gertatutakoaren harira emandako informazioari esker gizona identifikatu eta atxilotu zuten atzo arratsaldean, eta Gernikako polizia-etxera eraman zuten.
_____________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
