Gizartea -

Ciencia

Bizitzeko moduko planeta bat daukan sistema berri bat aurkitu dute

Aurkikuntza TESS teleskopioko datuei eta CARMENES tresnako neurketei esker egin da.

Aurkitutako exoplanetak. Irudia: EFE
Aurkitutako exoplanetak
Aurkitutako exoplanetak. Irudia: EFE

AGENCIAS | REDACCIÓN

Whatsapp Facebook Twitter Telegram Email

Astronomo talde batek GJ357 izarraren inguruan orbitatzen ari diren hiru exoplaneta aurkitu ditu.

Ikertzaileen arabera, bizitzeko moduko planeta bat duen planeta-sistema da.

Aurkikuntza TESS teleskopioko datuei esker egin da. Horrez gain, CARMENES tresnako neurketak ere erabili dira.

Horrela, GJ357 izarraren inguruan dagoen planeta-sistemaren aurkikuntza aurkeztu dute, Eguzkiaren tamainaren herena duen eta gure izarra baino % 40 hotzagoa den izar nanoa. Gainera, gugandik 31 argi-urtera dago, Hydra konstelazioan.

NASAko TESS sateliteak otsailean exoplaneta bat (GJ357 b) aurkitu zuenean hasi zen aurkikuntza.

Prozesuan zehar, ikertzaileek bi mundu gehigarri aurkitu zituzten: GJ 357 c eta GJ357 d.

GJ 357 b Lurra baino % 22 handiagoa da eta 254 graduko tenperatura dauka.

"Orbitatzen duen izarra distiratsu samarra denez, eta Eguzkitik hurbil dagoenez, exoplaneta hau helburu bikaina da atmosfera lurtar bat aztertzeko", nabarmendu du CABeko Jose Antonio Caballerok.

GJ357 d planetak 55,7 egunero orbitatzen du bere izarra, Lurrak Eguzkia orbitatzen duen distantziaren % 20ko distantziarekin. Gainera, Lurra baino sei aldiz pisutsuagoa da.

Gorputz hori "bizitzeko moduko esparrua" izan daiteke, hau da, ur likidoa izan dezakeen Lurra bezalako planeta bat.

Hau zure interesekoa bada, baliteke beste gai hauek ere izatea
Gizartea Eguneko albisteak Albisteak Zientzia Zientziaren hedapena Nasa Lurra Planetak Astronomia Unibertsoa