Euskotrenek zerbitzua indartuko du Donostiako Aste Nagusian

Abuztuaren 10etik 17ra bitartean izango den Donostiako Aste Nagusian, Lasarte-Donostia-Hendaia (Topoa), Amara-Altza eta Zumaia-Donostia (Kosta) lineetako zerbitzua indartuko du Euskotrenek. Aste osoan zehar, gaueko trenak egongo dira.

Lasarte Oria-Amara-Hendaia

Goizeko zerbitzua ohikoa izango da; arratsaldean, aldiz, trenen maiztasuna 15 eta 30 minuturen artekoa izango da, betiere geldialdi-ordutegien eta ibilbideetako tarteen arabera.

Su artifizialak bukatu ondoren, tren bereziak eskainiko dituzte goizaldera arte, Amaratik Lasartera, Altzara eta Hendaiara.

Biarritzen egingo duten G7aren goi-bilera dela eta, Hendaiako geltokia itxita egongo da abuztuaren 18an. 00:00etan itxiko dute, hain zuzen ere. Hori dela eta, su artifizialen ostean, Amaratik Irun/Ficoba geltokira irtengo diren trenak baino ez dira iritsiko geltokira. Neurri hori abuztuaren 26ra arte izango da indarrean.

Zumaia-Donostia

Eguneko zerbitzuak berdin jarraituko du; abuztuaren 10etik 17ra bitarteko gauetan, trenak orduero ibiliko dira.

Informazio gehiago behar duten erabiltzaileek Euskotrenen telefono-zenbakira dei dezakete (944 333 333). Horrez gain, informazioa jaso dezakete Euskotreneko langileak dauden geltokietan eta geralekuetan, konpainiaren webgunean, Twitter kontuan zein 'app'ean.