Gizon batek bikotekidea hil du labankadaz, Madrilen

Gizon batek 30 urteko bikotekidea (emakumea) hil du, bart, Madrileko Ciudad Lineal barrutian, 8 eta 10 urteko alabak aurrean zirela. Adingabeetako batek deitu du larrialdi zerbitzuetara gertaturikoaren berri emateko.

Espainiako Poliziak ustezko hiltzailea atxilotu du, hots, 42 urteko gizona. Hiltzaileak urruntze agindua izan zuen tratu txar salaketa batengatik, baina ez zegoen indarrean.

Hilketa atzo 18:40 aldera gertatu zen Ciudad Lineal barrutiko etxebizitza batean.

Larrialdi zerbitzuak bertaratu zirenean, ordea, emakumea eraikineko atarian zegoen, lurrean. Bularrean eta sabelaldean labanaz egindako bi zauri zituen eta bihotz-biriketako geldialdia izan zuen. Emakumea suspertzen ahalegindu baziren ere, tokian bertan hil da.

Urtea hasi zenetik bikotekide edo bikotekide ohiek Espainian hildako 42. emakumea da, 1.016. emakumea 2003ko urtarriletik.

____________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.