Gizon batek emakume bat hil du Las Palmasen

Gizon batek emakume bat hil du astelehen goizean Las Palmasen (Kanariak), Europa Pressi Gobernuak bertan duen ordezkaritzaren iturriek jakitera eman diotenez. Biktima erasotzailearen bikotekide ohia zen; gizonak, gero, bere buruaz beste egin du.

Erasoa emakumearen lanpostuan gertatu da Las Palmaseko Cebrian kalean. Emakumeak  49 urte zituen; gizonak, 50. Suizidioa hilketaren toki berean izan da.

Ez zegoen aurreko salaketarik, eta martxora arte, gutxienez, elkarrekin bizi ziren.

_______________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.