Auzia jarri diote Nafarroako Gobernuari aire-kalitatea hobetzeko plana ez egiteagatik

Nafarroako Ekologistak Martxanek auzitara eraman du Nafarroako Gobernua, Nafarroako Justizia Auzitegi Nagusian, airearen kalitatea hobetzeko plana ez egiteagatik. Elkarteak nabarmentzen duenez, "legeak" behartzen du Gobernua "plan hori egitera".

Ekologistak Martxanek ohar baten bidez adierazi duenez, Auzitegiak tramitera onartu du demanda; hori zergatik aurkeztu duen azaltze aldera, elkarteak argudiatu du "Nafarroako Gobernua behin eta berriz ari dela legea urratzen airearen kalitateari dagokionez", eta, halaber, Gobernua ez dela ezer egiten ari "urratze horiei konponbidea emateko".

"Nafarroako Gobernuaren pasibotasuna ikusita, gure erakundeak beharrezkotzat jotzen du demanda; asmoa da ozonoak eragindako kutsaduraren arazoa konpontzen saiatzea".

Ildo horretan, elkarteak dio legeak "plan hori egitera" behartzen duela Nafarroa, "plan nazionalak egonda ere, edo airearen kalitatea neurtzeko hiri batzuetan dauden estazioak gorabehera".