Gizartea -
Araba
Gizon bat hil da kamioi batek harrapatuta A-1 errepidean, Agurainen
Ertzaintzak ikerketa jarri du martxan oinezkoa kamioiak jo duen errepidera borondatez sartu den zehazteko.
AGENTZIAK| ERREDAKZIOA
Gizon bat hil da Agurainen (Araba), A-1 errepidean, Madrilgo noranzkoan, kamioi batek harrapatuta, Segurtasun Sailak adierazi duenez.
18:30ean izan dute larrialdi zerbitzuek istripuaren berri. Suhiltzaileak, osasun langileak eta Ertzaintza bertaratu dira istripuaren tokira, baina ezin izan dute ezer egin gizonaren bizia salbatzeko.
Ertzaintzak ikerketa jarri du martxan oinezkoa kamioiak jo duen errepidera borondatez sartu den zehazteko.