Gizartea -

Indarkeria matxista

Gizon batek sexu abusua egin dio emakume bati Donostian

Gizona, 21 urtekoa bera, Ertzaintzak atxilotu du. Biktima erasotzailearen eraikin berean bizi den emakumea da.

Agentziak | Erredakzioa

Whatsapp Facebook Twitter Telegram Email

Gizon batek sexu abusua egin dio emakume bati Donostian, Eusko Jaurlaritzaren Segurtasun Sailak ohar batean jakinarazi duenez. Gizona, 21 urtekoa bera, Ertzaintzak atxilotu du, eta biktima erasotzailearen eraikin berean bizi den emakumea da.

Ostegun honetako 15:00ak aldera, gizon batek emakume bati sexu abusua egin dio Donostiako etxebizitza-eraikin batean. Ertzaintzak horren berri izan bezain pronto, gertaera jazotako lekura joan da.

Bertara iristerako, gizona atxikita egon da. Ertzainei esan diete gizon batek sexu-motako ukituak zituela eginak emakume baten kontra, eraikinaren gune komun batean. Biktima eta erasotzailea aipatutako eraikin horretan bizi dira.

Ertzaintzak susmagarria atxilotu du, eta ostiral arratsaldeko lehen orduan, epailearen esku utzi dute.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak emakumeak Donostia albisteak Tratu txarrak gaur Euskal Autonomia Erkidegoa albisteak Delituak argazkiak Gizartea Eguneko albisteak Albisteak Tratu txarrak jasan dituzten emakumeentzako laguntza Matxismoa gaur

Informazio gehiago