Gizartea -
SEXU-ABUSUAK
Donibane Garaziko Navarre lizeoko bi ikaslek bortxatu egin dituztela salatu dute
Euskal Irratiak elkarteak zabaldu duenaren arabera, "lizeotik kanpo gertatu zen talde bortxaketa, pasa den astean". Hainbat ikasle atxilotu zituzten, baina aske utzi dituzte.
eitb.eus
Donibane Garaziko Navarre lizeoko bi neska ikaslek bortxatu egin dituztela salatu dute, Euskal Irratiak elkarteak Twitter bidez jakinari duenez.
Marc Mariee Baionako prokuradoreak salaketa bi jarri dituztela baieztatu du, eta ikerketa Jendarmeriaren esku dela gaineratu.
Bi ikasleek salaketa jarri ondoren, ustezko bortxatzaileak atxilotu zituzten. Nafarroa Behereko hiriburuko Navarre lizeoko adingabeak dira. Aipatutako irrati elkarteak emandako informazioan arabera, "lizeotik kanpo gertatu zen talde bortxaketa, pasa den astean".
Salaketaren harira, hainbat ikasle atxilotu zituzten, baina aske utzi dituztela baieztatu du prokuradoreak.
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
