Gizartea -

ZALDIBARKO LUIZIA

Airearen kutsaduragatik ezarritako prebentzio neurriak kendu ditu Jaurlaritzak

Zabortegiko sutea itzaltzea lortu zutelako eta dioxina eta furano kopuruak behera egin duela egiaztatu ostean hartu dute erabakia.

Zaldibar. Artxiboko irudiak.
Zaldibar
Airearen kutsaduragatik ezarritako prebentzio neurriak kendu ditu Osakidetzak

1:09

AGENTZIA| ERREDAKZIOA

Whatsapp Facebook Twitter Telegram Email

Eusko Jaurlaritzak airearen kutsaduragatik ezarritako prebentzio neurriak kendu ditu Zaldibarko (Bizkaia) zabortegi inguruan. Bitartean, erreskate taldeko langileek bilaketa lanetan jarraitzen dute orain dela bi aste gertatutako luizian desagertutako bi langileak aurkitzeko. Horretarako, hondakariak eta lurraren egonkortasun txostenak darabiltzate.

Osasun sailak Zientzia Ikerketaren Goi Mailako Zentroak eskualdeko kutsaduraren inguruan egindako analisien emaitzak ezagutu ondoren hartu du erabakia. Zaldibarren, Ermuan eta Eibarren aire librean kirolik ez egiteko eta etxeak ez aireztatzeko gomendatu zuen otsailaren 14an, aurkitutako dioxina eta furano kopuru handien ondorioz, ohiko emaitzak baino 40 aldiz handiagoa.

Azken analisiek aireko dioxina eta furano kopuruaren "beheranzko joera" erakusten dute. Jaurlaritzako Osasun Publikoko Iñaki Berraondo sailburuordearen arabera, behin sua itzalita, kutsadura beherantz joango dela aurreikusi daiteke.

Hala ere, zabortegiaren inguruko ibaien uraren azken analisiek hondakinetatik datorren amonioaren "hazkunde nabarmena" aurkitu dute Aixola ibaian, URAren arabera, baina ur hori ez da edateko erabiltzen.

Interbiak elkarteko Andoni Alkorta geologo buruzagiaren arabera, momentuz ez dago luizi gehiago izateko arriskurik zabortegiko hondakinetan; etengabeko lurreko jarraipen sistema batek kontrolatzen du.

Hala ere, "arriskurik izanez gero, abisua berehalakoa den sistema bat daukagu", desagertutako bi langileak bilatzen ari diren tokian, adierazi du Alkortak prentsaurreko batean.

Otsailaren 6an gertakaria eman zenetik gaur arte, "ez da mugimendu nabarmenik eman, soilik ohikoak diren ukitu txikiak eta lurraren finkapena", adierazi du. Horrez gain, ez dela pertsonak arriskuan jar ditzakeen mugimendurik egon nabarmendu du.

Erreskate taldeek, buzoekin eta maskarekin babestuta, lanean jarraitzen dute, binaka, desagertutako bi langileak aurkitzeko (Alberto Sololuze eta Joaquin Beltran).

Zabortegiko alerta sistema ebakuazio bizkor bat lortzeko eta pertsonentzako arriskua gutxitzeko prestatuta dago. Hala ere, jarduteko protokolo "eraginkor eta arin bat" egon beharko litzatekeela adierazi du Josu Zubiaga Segurtasun sailburuordeak.

Geologoen abisua Jaurlaritzako larrialdi zerbitzuei bidaliko litzaieke berehala, Ertzaintza, suhiltzaileak eta Osakidetza abisatuz, eta semaforo gorri batzuk piztuko lirateke AP-8 autopistako eta Ermuako saihesbideko trafikoa mozteko.

ELA, LAB, ESK, Steilas, Hiru eta Etxalde sindikatuek elkarretaratzeak antolatu dituzte EAEko hiru hiriburuetako eta Nafarroako egoitzetan hondakinen "kudeaketa ekonomizatua" salatzeko eta luiziaren arrazoiak argitzeko exijitzeko.

Bere aldetik, Zero Zabor Bizkaia plataforma ekologistak zabortegiko luizia ez dela istripu bat adierazi du, Jaurlaritzaren eta Bizkaiko Foru Aldundiaren hondakinen kudeaketa txarraren ondorioa baizik. Era berean, zabortegiek "negozio pribatu bat" izateari utzi behar diotela exijitu du, kudeaketa eta kontrol publikora pasatuz.

Bizkaiko patronalari dagokionez, beharrezkoa dela administrazioak "aukera egokiak" aurkitzea adierazi du Iñaki Garcinuño presidenteak, eta zabortegi berri baten irekiera nabarmendu du "ahalik eta epe laburrenean".

Guillermo Blanco Kantabriako Ingurumen kontseilariak eskualdeko zabortegiak ez dituela hondakin arriskutsuak onartzen zehaztu du Iñaki Arrolaren dei bat jaso ondoren, EAEk Kantabriari hondakinak bertara eramatea eskatu behar izatearen "abisu" bezala.  

Hau zure interesekoa bada, baliteke beste gai hauek ere izatea
Osakidetza Bizkaia Euskal Autonomia Erkidegoa Gizartea Eguneko albisteak Albisteak Osasun albisteak Zaldibar Ingurumena Euskadiko kutsadura Durangaldea albisteak Harri-jausiak