Gizartea -

Indarkeria matxista

Gizon bat bi emakumeri sexu-erasoa egiten saiatu da Donostian

Igande honetan gertatu da, 12:30 aldera, Easo Plazako aparkalekuan. Ertzaintzak ustezko egilea atxilotu du.

EiTB.EUS

Whatsapp Facebook Twitter Telegram Email

Gizon bat bi emakumeri sexu-erasoa egiten saiatu zen igande honetan Donostian, Easo Plazako aparkalekuan, Eusko Jaurlaritzaren Segurtasun Sailak ohar bidez jakitera eman duenez. Ustezko egilea, 28 urteko gizon bat bera, Ertzaintzak atxilotu du.

Igandeko 12:30 aldera jazo zen. Orduan, bi emakume Easo Plazan aparkatutako auto baten barruan zeuden; bat-batean, ezagutzen ez zuten gizon batek kopilotuaren atea ireki zuen, eta indarkeriaz oldartu zitzaien, sexu-erasoa egiteko asmoz. Biktimek ihes egitea lortu zuten, eta segurtasun-zaintzailearen garitan ezkutatzea lortu zuten.

Ertzaintzari gertatutakoaren berri emanda, hainbat patruila aparkalekuan bertaratu ziren, eta ustezko erasotzailea identifikatu eta atxilotu zuten.

28 urteko gizona ondorengo orduetan utziko dute epailearen esku.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Donostia argazkiak Tratu txarrak gaur Gipuzkoako albisteak EAE Gizartea Eguneko albisteak Albisteak Matxismoa gaur

Informazio gehiago