Gizartea -
COVID-19
Ertzaintzako bi agente eta Zaballako kartzelako bi preso kutsatu dira
Kutsatu zen lehena ertzaintza bat izan zen pasaden martxoaren 6an, bigarrena positibo eman zuen atzo. Bi presoak atxilotuen zonaldean zeuden ospitaleratuta.
Agentziak | Erredakzioa
Zaballako (Araba) espetxean dauden bi presok positibo eman dute COVID-19an; Gasteizko Txagorritxu ospitalean atxilotuak zaintzen zituzten bi agente ere kutsatu dira.
Ertzain baten lehen kasu positiboa martxoaren 6an atzeman zuten, Txagorritxun atxilotuak zaintzen ari zela. Atzo ospitale horretan lan berdinak egiten ari zen beste agente batek positibo eman zuen.
Era berean, Langraiz Okako espetxeko bi preso kutsatuta dira, atxilotuak artatzen dituzten moduluan ospitaleratuta zeudenak.
Espetxeetako Erakundeetako Idazkaritza Nagusiak Araba, Madril eta Errioxako espetxe guztietarako sarbideak murrizteko agindua bidali du neurri gisa.
Era honetara soilik onartzen dira lokutorio bidezko harremanak eta aurreikusitako irteera guztiak bertan behera utzi dituzte, hala ere, eguneroko baimenak edo 100.2 artikuluen ezarpena mantentzen da. Osasun Ministerioarekin koordinatuta hartutako salbuespenezko neurriak martxoaren 11tik aurrera aplikatuko dira 14 egunez.
Azken datu ofizialen arabera, 197 koronabirus kasu daude Euskadin, astelehenean baino 49 gehiago.
