68 adineko hil dira dagoeneko Arabako egoitzetan

Igande honetan beste 8 adineko zendu dira, 4 zentro pribatuetan eta beste 4 zentro publikoetan, Arabako Foru Aldundiak jakitera eman duenez.

Arabako egoitzetan bizi ziren 8 adineko gehiago hil dira igande honetan. Argazkia: EFE

AGENTZIAK | ERREDAKZIOA

publikatuta: 2020/04/05 21:45 (UTC+2)

azken eguneratzea: 2022/10/18 12:55 (UTC+2)

Koronabirusa zuten 68 adineko hil dira jada Arabako egoitzetan, Arabako Foru Aldundiak aditzera eman duenez. Igande honetan, 8 adineko hil dira, 4 zentro pribatuetan eta beste 4 zentro publikoetan.

Hildako 68 adinekoetatik, 44 zentro pribatuetan bizi ziren, 21 Aldundiko zentroetan eta beste 3 udal azpiegituretan. Heriotza gehienak ospitaleetan jazo dira. Kutsatuen kopuruari dagokionez, 308 dira positibo eman dutenak, 5 gehiago.

Arabako egoitzek 32 adineko bidali dituzte ospitaleetara, larri zeudelako, baina gehienak (276 adineko) egoitzetan bertan artatzen ari dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Araba Gaixotasunak Gizartea Eguneko albisteak Albisteak Osasun albisteak Adinekoentzako egoitzak Koronabirusa Arabako Foru Aldundia Pertsona edadetuak

68 adineko hil dira dagoeneko Arabako egoitzetan

Esteka kopiatuta