Adinekoak

Maria Teresa Larrañaga gipuzkoarra eta Sabina Martinez de Ilarduya arabarra 100 urtetik gorako emakumeak dira. Mende bat baino gehiagoko adina dutenen artean, % 86 emakumeak dira Hego Euskal Herrian.

Musika Bizi ekimena jarri dute martxan Bilboko Misericordia egoitzak eta Bilboko Koral Elkarteak elkarlanean. Astero kantu eskolak ematen dizkiete adinekoei, eta Gabonetan lehen kontzertua eskaini zuten.

Bizitza osoa euskara irakasten pasatu du, baita debekatuta zegoenean ere.

Kontxita Beitiak 84 urte ditu eta Hernanin Korrikako lekukoa eraman du Iker 11 urteko birbilobarekin familia guztiaren babesa zutela. Ilusioz gainezka zegoen Kontxita, eta, azaldu duenez, entrenatzen aritu da.

24 pertsona zauritu dira Imsersoko autobus batek izandako istripuan, Sant Llorenç eta Son Servera (Mallorca) arteko errepidean, horietako zazpi larri. Autobusean 50 pertsona inguru zihoazen.

Bi emakume hil dira igande goizean Madrilgo Aravaca auzoan, adinekoen egoitza batean piztutako sutean, eta beste bat egoera kritikoan dago La Paz ospitalean, kea arnastu eta erredura larriak baititu. Halaber, hamasei lagun ospitaleratu behar izan dituzte kea arnastu dutelako, baina ez daude larri.

Javi eta Fatima Kuvu esperientzian izena eman duten 20 bikoteetako bat da. Ekimen honen bitartez, bakarrik bizi diren pertsonak eta alokairu eskuragarria behar duten gazteak lotzen dira. Javierrek urteak eman ditu bakarrik bizitzen, eta Fatima etxera iristeak "bizia" eman dio.

Polifarmazia sindromeaz aritu zaigu Vidal Salcedo familiako medikua, egunean lau sendagai baino gehiago hartu behar dituzten pertsonez, alegia. Horrek zenbait ondorio ekarri ditzake: zorabioak, erorketak, memoria galera, dardarizoa… Pilulak hartzeko ordena bat zehaztearen beharra nabarmendu du.

ETS taldeko abeslariak "Gora Bihotzak" saioan kontatu du "Zurekin Batera" eta "Abuela Maitea" kantaren ondorioz jende nagusiagoa iritsi dela taldearengana. Dioenez, jende asko gerturatu zaio esaten kantarekin asko hunkitu dela. Miren Nogales hunkitu egin da bere amona oroituta.

Dementziaren sintomak zeintzuk diren azaldu digu Vidal Salcedo familia-medikuak "Biba Zuek!" saioan. Bestalde, memoria lantzeko ariketa pare bat ekarri dizkigu eta dementziari aurre egiteko gomendioak eman dizkigu.

Elorrio eta Sopela dira adinekoentzako eguneko zentrorik ez duten Bizkaiko udalerri bakarrak. Elorrion 1.700 adineko bizi dira, eta horietatik 126k bigarren edo hirugarren mailako menpekotasun maila dute.

BCBLk elebitasunak zahartzaroan duen paperari buruzko proiektu baten emaitzak aurkeztuko ditu Donostiako Aquariumean. Ileana Quiñones eta Lucía Amoruso ikertzaileek ikerketa honen xehetasunak azaldu dituzte.

Txaro Tomasena Alzuriz urnietarrak uztailean Gibraltarreko itsasartea zeharkatu du igerian 16,1 kilometro 6 ordu eta 23 minutuan. Marka jarri du, 77 urterekin bera baita zeharkaldi hori egin duen pertsonarik adintsuena. Bere erronka zen zeharkaldia egitea, errekorrik ez zuen buruan.

Adinekoak dira bero-boladen aurrean zaurgarrienak. Osasunari zuzenean eragiten dio tenperaturak; eta ongi dakite hori adinekoen egoitzetan. Uda sasoia iristearekin batera aktibatzen dute prebentzio protokoloa.

88 eta 86 urteko senar-emazte urretxuarrak dira Ignacio Iraeta eta Mari Carmen Sarasua. Egunero egiten dute mendi-buelta, eta erreuma zer den ba ote dakiten galdetu ezkero, erantzuna garbia da: "Motxilan!". Adineko aktiboak izateko mentalitatea oso garrantzitsua dela nabarmendu dute.

Pentsiodunekin hartu du gaur kafea Donostian Joana Arce PPren Kongresurako Gipuzkoako zerrendaburuak. 10 urtean langileen %25 jubilatuko da Gipuzkoan, eta krisi demografikoari aurre egiteko neurriak plazaratu ditu.

Guardia Zibilak lau pertsona atxilotu ditu gaur, asteartea, Bizkaian, Oriñon-Castro Urdialeseko (Kantabria) etxebizitza batean indarkeriaz 30.000 euro eta bitxiak lapurtzeagatik. Gaizkileek 82 eta 87 urteko anai-arrebak erasotu dituzte. Gizonari ebakuntza egin diote buruan jasotako kolpeengatik.

Pentsiodunak bost urte daramatzate borrokan kalean, eta salatzen dutena da Espainiako Gobernuak onartu berri duen erreformak ez dituela euren eskariak kontutan hartu. Batez ere, salatzen dutena da gutxieneko pentsioa ez dela 1.080 eurora heldu, eta baita kotizazio urteak 25etik 29ra igo izana ere.

85 urtetik gora, gizartearen herenak hauskortasun sindromea du, hau da, gaixotasun zehatzik eduki gabe mugikortasunean edo adimen mailan abileziak eskastuta ditu. Horixe da Biodonostia ikerketa zentroak azken hamar urteetan abian duen erronka, geroz eta kalitate hobeagoko zahartzaroa lortzeko.